Viðtöl
Ráðgjafar Krabbameinsfélagsins í Skógarhlíð 8 bjóða upp á endurgjaldslaus viðtöl til stuðnings og ráðgjafar ef þú hefur greinst með krabbamein, ert aðstandandi eða syrgjandi. Hjá félaginu starfa m.a. hjúkrunarfræðingar, sálfræðingar og félagsráðgjafar.
Ráðgjafarnir bjóða einnig upp á fjarviðtöl og þú getur fengið símaráðgjöf í síma 800 4040 frá kl.frá kl. 9-16 mán – fim og 9-14 á föstudögum. Að auki er boðið upp á viðveru ráðgjafa hjá eftirfarandi þjónustuskrifstofum á landsbyggðinni:
- Akureyri í samstarfi við Krabbameinsfélag Akureyrar og nágrennis (KAON). Skrifstofa er til húsa að Glerárgötu 34 annarri hæð og er opin mánudaga til fimmtudaga frá kl. 10-14, sími 461 1470. Hægt er að koma án þess að gera boð á undan sér en einnig hægt að panta tíma eða senda fyrirspurn á kaon@krabb.is. Ráðgjafi er Jenný Valdimarsdóttir, hjúkrunarfræðingur, jenny@krabb.is. Sjá nánar á heimasíðu KAON.
- Austurlandi í samstarfi við aðildarfélögin á Austurlandi, Fljótsdalshérað og Heilbrigðisstofnun Austurlands (HSA). Ráðgjafi Krabbameinsfélagsins kemur reglulega austur og býður upp á einstaklingsviðtöl hjá HSA, í Neskaupstað, Reyðarfirði og á Egilsstöðum.
- Selfossi í samvinnu við aðildarfélag Árnessýslu og Heilbrigðisstofnun Suðurlands (HSU). Ráðgjafi Krabbameinsfélagsins er til taks eftir samkomulagi og býður upp á einstaklingsviðtöl hjá HSU. Hafið samband í síma 800 4040 til að kanna möguleika.
- Suðurnesjum í samvinnu við aðildarfélag Suðurnesja, Reykjanesbæjar og Heilbrigðisstofnun Suðurnesja (HSS). Ráðgjafi Krabbameinsfélagsins er til taks eftir samkomulagi og býður upp á einstaklingsviðtöl í húsnæði Krabbameinsfélags Suðurnesja að Smiðjuvöllum 8. Hafið samband í síma 800 4040 til að kanna möguleika.
Ef þú býrð utan þessara svæða og átt ekki heimangengt getur þú haft samband í síma 800 4040 og kannað möguleika á einstaklingsviðtali við ráðgjafa Krabbameinsfélagsins eftir samkomulagi.