Mottumars: Styrkja átakið
Mottumars 2025
Starf Krabbameinsfélagsins er fyrir fólkið í landinu og rekið fyrir styrki frá almenningi og fyrirtækjum. Með þínum stuðningi náum við enn meiri árangri. Kynntu þér hvernig þú getur lagt þitt á vogarskálarnar í Mottumars.
Skeggkeppni Mottumars
Skeggkeppni Mottumars er í fullum gangi og lýkur 31 mars! Þátttakendur safna ekki bara skeggi heldur líka áheitum. Kynntu þér allt um keppnina og leggðu þitt að mörkum með að heita á motturnar!
Ráðgjöf og stuðningur þér að kostnaðarlausu
Þjónusta félagsráðgjafa, hjúkrunarfræðinga og sálfræðinga Krabbameinsfélagsins er í boði í greiningarferli, meðferð eða að lokinni meðferð, á íslensku, ensku og pólsku. Þjónustan er líka fyrir aðstandendur.
Við erum ekkert án ykkar
Starf Krabbameinsfélagsins er fyrir fólkið í landinu og rekið fyrir styrki frá almenningi og fyrirtækjum. Með þínum stuðningi náum við enn meiri árangri.
Krabbameinsfélagið tekur við styrkjum með millifærslu. Bankanúmer: 0301-26-005035
Kennitala: 700169-2789
Hvernig verður þitt framlag að gagni? Til að ná árangri gegn krabbameinum þarf að nálgast verkefnið frá öllum hliðum, sem endurspeglast í starfsemi Krabbameinsfélagsins
Fræðsla og forvarnir er mikilvægur þáttur. Unnið er á fjölbreyttan hátt að því að koma á framfæri fróðleik varðandi krabbamein og hvernig hægt er að draga úr líkum á þeim. Helsta áherslan er á fræðslu um lífsvenjur sem tengjast krabbameinsáhættu.
Ráðgjöf og stuðningur við fólk sem greinist með krabbamein og aðstandendur er eitt af forgangsverkefnum Krabbameinsfélagsins. Félagið veitir fólki með krabbamein, aðstandendum og syrgjendum endurgjaldslausa ráðgjöf og stuðning fagaðila; sálfræðinga, hjúkrunarfræðinga og félagsráðgjafa.
Hjá Rannsókna- og skráningarsetri eru stundaðar krabbameinsrannsóknir. Áhersla er lögð á að skilja umhverfistengdar og erfðafræðilegar orsakir krabbameina og fylgjast með horfum sjúklinga og hvaða þættir hafa áhrif á þær. Hjá setrinu er rekin Krabbameinsskrá Íslands og samstarf við vísindamenn.
Vísindin varða leiðina fram á við. Sjóðurinn hefur reynst bylting í krabbameinsrannsóknum hér á landi. Tilgangur Vísindasjóðsins er að efla íslenskar rannsóknir á krabbameinum, m.a. með því að styrkja með fjárframlögum rannsóknir á orsökum krabbameina, forvörnum, meðferð og lífsgæðum sjúklinga.
Krabbameinsfélagið nýtir fjölbreyttar leiðir til að reyna að ná til sem flestra. Efnið er aðgengilegt á vef félagsins Krabb.is – Bleikaslaufan, Mottumars, Karlaklefinn og Styrkleikarnir. Á Youtube-rás og Hlaðvarpsveitu á Spotify ásamt Facebook, Instagram, Linkedln og TikToK