Stuðningshópar
Á vegum Krabbameinsfélagsins og aðildarfélaga þess starfa nokkrir stuðningshópar þeirra sem hafa greinst með krabbamein og aðstandenda þeirra.
Stuðningshópar hittast reglulega og eru vettvangur til að deila reynslu og eiga samtal við aðra í svipuðum sporum. Stuðningshópar hafa ýmist aðstöðu hjá Krabbameinsfélaginu í Skógarhlíð 8 eða annars staðar á höfuðborgarsvæðinu og landsbyggðinni í tengslum við aðildarfélög Krabbameinsfélagsins. Hafðu samband við Krabbameinsfélagið í síma 800 4040 eða við aðildarfélögin til að fá nánari upplýsingar.
Rannsóknir sýna að þeim sem taka þátt í stuðningshópum líður oft betur og upplifa aukin lífsgæði. Þau eru líklegri til að hafa meiri von og eru oft ákveðnari í því að takast á við viðfangsefnið.
Ráðgjöf og stuðningur þér að kostnaðarlausu
Þjónusta félagsráðgjafa, hjúkrunarfræðinga og sálfræðinga Krabbameinsfélagsins er í boði í greiningarferli, meðferð eða að lokinni meðferð, á íslensku, ensku og pólsku. Þjónustan er líka fyrir aðstandendur.
