Bleikt málþing 14. október um langvinnt brjóstakrabbamein
Bleikt málþing um brjóstakrabbamein á vegum Brjóstaheilla – Samhjálpar kvenna, Krabbameinsfélags höfuðborgarsvæðisins og Krabbameinsfélags Íslands.
Málþingið verður þriðjudaginn, 14. október, kl. 17:00 - 18:30 í húsnæði Krabbameinsfélagsins, Skógarhlíð 8. Málþinginu verður einnig streymt. Öll velkomin.
Á málþinginu verður fjallað um reynslu, réttindi og raunveruleika kvenna með langvinnt brjóstakrabbamein. Þrjár konur deila reynslu sinni, þar á meðal Thelma Björk, andlit og hönnuður Bleiku slaufunnar í ár. Læknir mun skýra fræðilega hlið ólæknandi brjóstakrabbameins auk þess sem rætt verður um réttindi og þann stuðning og þjónustu sem býðst hjá Krabbameinsfélaginu.
Dagskrá:
- Setning
Ásta Einarsdóttir, stjórnarkona í Brjóstaheillum – Samhjálp kvenna.
- Hvað er ólæknandi brjóstakrabbamein?
Helga Tryggvadóttir, krabbameinslæknir á Landspítala. - Stuðningur og ráðgjöf Krabbameinsfélagsins. Hvað er í boði?
Þorri Snæbjörnsson, sálfræðingur og teymisstjóri hjá Krabbameinsfélaginu. - Réttindi til framfærslu í langvinnum veikindum
Harpa Ásdís Sigfúsdóttir, félagsráðgjafi hjá Krabbameinsfélaginu. - Reynslusaga - Röndótta slaufan
Sigurlín Ívarsdóttir. - Reynslusaga - Ég og vinur minn (krabbinn)
Kristgerður Garðarsdóttir. - Reynslusaga
Thelma Björk Jónsdóttir, hönnuður Bleiku slaufunnar í ár. Hún hefur mjög persónulega tengingu við Bleiku slaufuna, en hún greindist með brjóstakrabbamein með meinvörpum árið 2024 og lifir því með krabbameini. - Málþingsslit
Ásta Einarsdóttir.
Fundarstjóri – Bára O’Brien Ragnhildardóttir verkefnastjóri og stjórnarkona hjá Krabbameinsfélagi höfuðborgarsvæðisins og Krafti.