Fit&Run 2024
FIT & RUN er einstök sýning fyrir alla fjölskylduna þar sem áhersla er lögð á undirbúning hlaupara fyrir Reykjavíkurmaraþon Íslandsbanka, almenna hreyfingu, heilsufæði, fatnað, skóbúnað og aðrar stuðningsvörur hlauparans.
Vegna endurbóta verður sýninginn að þessu sinni í minni Höllinni. Krabbameinsfélagið verður með bás nr. J-4 og eru gestir hvattir til að líta við. Sérstaklega hvetjum við þá sem hlaupa fyrir félagið að koma við og þiggja vandaðan hlaupabol að gjöf.
Sýningin er opin sem hér segir:
- Fimmtudagur, 22. ágúst frá kl. 15:00 – 20:00
- Föstudagur, 23. ágúst, frá kl. 14:00 - 19:00
Sýningin er opin öllum. Líka þeim sem eru ekki að fara að hlaupa, en vilja kynna sér allt það nýjasta á markaðinum og gera góð kaup, en sýnendur hafa verið mjög duglegir að bjóða upp á góða afslætti á vörum og þjónustu meðan á sýningunni stendur.
Fyrir þá sem ekki eru skráðir í Reykjavíkurmaraþonið er miðaverðið kr. 950 og rennur kr. 200 af hverjum seldum miða í pott sem eitt góðgerðarfélag á sýningunni hlýtur.