Karlarnir og kúlurnar - kennsla og golfmót
Hið árlega golfmót Karlarnir og kúlurnar, samstarfsverkefni Krabbameinsfélagsins, Krafts og Golfklúbbs Mosfellsbæjar, verður haldið á Bakkakotsvelli í Mosfellsbæ.
Í ár verður bryddað upp á þeirri nýbreytni að bjóða upp á kennslu í aðdraganda golfmótsins. Þeir sem ætla að taka þátt í þessum viðburði mæta bæði í kennslu og í golfmót en hvort tveggja er þátttakendum að kostnaðarlausu.
Fyrirkomulag kennslu
Þátttakendur koma í golfkennslu hjá bræðrunum og PGA kennurunum Jóni og Karli Karlssonum fyrir golfmótið. Kennslan fer fram í Básum við golfvöll GR í Grafarholti. Tímarnir í boði eru þriðjudagurinn 27. ágúst kl. 15-16 og fimmtudagurinn 29. ágúst kl. 15-16. Þátttakendur geta skráð sig í báða tímana.
Fyrirkomulag golfmóts
Golfmótið fer fram í Bakkakoti í Mosfellsbæ, þriðjudaginn 3. september.
Þar mun Jón stýra upphitun og veita kylfingum síðustu ábendingar áður en mótið hefst (9 holur). Leikið verður þriggja manna Texas Scramble.
Boðið verður upp á léttar veitingar eftir hringinn.
Nánari upplýsingar um verkefnið er hægt að fá hjá Krabbameinsfélaginu. Umsóknir þurfa að berast fyrir 20. ágúst á netfangið radgjof@krabb.is eða í síma 800-4040.