Heilinn og hamingjan (1/4)
Á námskeiðinu verður fjallað um hvernig áföll og langvarandi streita geta mótað heila og taugakerfi okkar.
Þessi nálgun útskýrir vel áhrifin á líðan okkar en einnig viðbrögð í ýmsum aðstæðum í daglegu lífi. Kynntar verða ýmsar leiðir til að styrkja taugakerfið, breyta gömlum mynstrum og auka vellíðan með nokkuð einföldum aðferðum .
Hver tími endar á að lagst er undir teppi í Jóga nidra slökun og hljóðheilun. Hægt er að liggja á mjúkum svampdýnum eða í hægindastól.
Námskeiðið er ætlað þeim sem greinst hafa með krabbamein. Það er í fjögur skipti, þriðjudagana 29. apríl til 20. maí kl. 13:00 – 15:30 í húsnæði Krabbameinsfélagsins, Skógarhlíð 8.
Leiðbeinandi: Lóa Björk Ólafsdóttir, hjúkrunarfræðingur.
Skráning og nánari upplýsingar er á radgjof@krabb.is eða í síma 800 4040. Ekkert þátttökugjald.