Karlarnir og kúlurnar
Í haust verður golfmótið Karlarnir og kúlurnar haldið. Í ár verður bryddað upp á þeirri nýbreytni að bjóða upp á kennslu í aðdraganda golfmótsins.
Karlarnir og kúlurnar er verkefni á vegum Krabbameinsfélagsins og Krafts í samstarfi við Golfklúbb Mosfellsbæjar. Verkefnið snýst um að bjóða körlum sem fengið hafa krabbamein, tækifæri til að styrkja sig og leika sér með því að æfa golfsveifluna í fallegu umhverfi, njóta samvista við golffélaga, læra eitthvað nýtt og/eða viðhalda fyrri færni.
Þeir sem ætla sér að taka þátt í þessum viðburði mæta bæði í kennslu og í golfmót en hvort tveggja er þátttakendum að kostnaðarlausu.
Umsóknir þurfa að berast fyrir 20. ágúst á netfangið radgjof@krabb.is eða í síma 800-4040. Gera má ráð fyrir að öll pláss fyllist fljótt og eru karlar því hvattir til að skrá sig sem fyrst.
Sjá nánar um Karlana og kúlurnar.