Íbúðir
Á Rauðarárstíg 33 í Reykjavík eru átta íbúðir til afnota fyrir sjúklinga og aðstandendur utan af landi meðan á meðferð stendur.
Krabbameinsfélagið á sex þeirra með Rauða krossi Íslands en til viðbótar eru tvær íbúðir alfarið í eigu Krabbameinsfélagsins. Sótt er um íbúðirnar hjá móttöku Geisladeildar Landspítalans, sími 543 6800 og 543 6801.
Utan skrifstofutíma má í neyðartilvikum hringja í síma 543 1800 (öryggisverðir á Landspítala).
Umsýslugjald fyrir íbúðirnar er 2.200 kr. á sólarhring. Hægt er að sækja um endurgreiðslu hjá sumum stéttarfélögum. Einnig styðja flest krabbameinsfélög á landsbyggðinni fólk af sínu svæði þegar kemur að kostnaði við ferðir og dvöl að heiman vegna meðferða.
Mig langar til að skrifa og þakka fyrir afnot af íbúðinni við Rauðarárstíg sem bróðir minn, Þórhallur Arason og ég fengum að búa í í lok síðasta árs og frammí janúar á þessu ári. Þetta var algerlega ómetanlegt fyrir hann sem býr úti á landi og mig sem kom frá Danmörku til að vera með honum á þessum erfiða tíma.
Íbúðin er frábærlega staðsett, vel búin húsgögnum og í henni er allt til alls. Þjónustan sem við fengum var frábær og er vel um íbúðina hugsað.
Með hjartans þökkum og kærum kveðjum, Svava Aradóttir.