Bleiki dagurinn 2024
Á Bleika deginum hvetjum við landsmenn til að vera bleik - fyrir okkur öll bera slaufuna, klæðast bleiku og lýsa skammdegið upp í bleikum ljóma svo allar konur sem greinst hafa með krabbamein finni stuðning okkar og samstöðu.
Bleiki dagurinn verður miðvikudaginn 23. október.
Ýmsar hugmyndir
- Bleikt morgunkaffi
- Bleikur hádegisverður
- Skreyta vinnustaðinn
- Klæðast einhverju bleiku
- Hafa verðlaun fyrir fatnað og skreytingar
Vinir Bleiku slaufunnar
Vinir Bleiku slaufunnar eru fyrirtæki sem bjóða fram tilteknar vörur og þjónustu þar sem hluti andvirðisins rennur beint til átaksins. Listi yfir þessi fyrirtæki er birtur hér á vefnum áður en átakið hefst. Undanfarin ár hafa t.d. fjölmörg bakarí boðið upp á bleikt góðgæti sem er kjörið að bjóða starfsfólkinu upp á.
Sendið sögur og myndir
Við hvetjum alla til að senda okkur skemmtilegar, bleikar myndir af sér og vinahópum eða vinnufélögum á netfangið bleikaslaufan@krabb.is og munum við birta þær hjá okkur á facebooksíðu Bleiku slaufunnar. Merkið myndirnar #bleikaslaufan
