4. október: Bleikt boð - Hönnuðir x Höfuðstöðin
Komdu í eitt bleikasta partý ársins !
Í tilefni útgáfu Bleiku slaufunnar árið 2023 hafa hönnuðir slaufunnar í ár og Höfuðstöðin sameinað krafta sína ásamt fjölda fyrirtækja til þess að fagna útgáfu slaufunnar með einu bleikasta partýi ársins.
Þér og þínum er boðið að fagna Bleiku slaufunni með okkur í Höfuðstöðinni miðvikudaginn 4.október kl 18.Hönnuðir Bleiku slaufunnar í ár eru gullsmiðirnir Lovísa Halldórsdóttir Olesen eigandi by lovisa skartgripir og Unnur Eir eigandi Eir og gullsmiður í Meba. Þetta er í annað sinn sem þær hanna slaufuna og var markmiðið í ár að hanna bleikustu slaufuna hingað til og því mun partýið að sjálfsögðu vera í takt við það.
Höfuðstöðin verður sett í bleikan búning í tilefni dagsins með aðstoð dásamlegra fyrirtækja sem koma að viðburðinum.
Dj Dóra Júlía mun halda uppi bleikri stemningu eins og henni einni er lagið og verða léttar veitingar og veigar í boði
Krabbameinsfélagið mun vera á staðnum og stendur til boða að kaupa Bleiku slaufuna og sparislaufuna. Þetta er því tilvalið tækifæri til þess að fagna með okkur í fallegu bleiku umhverfi, hitta hönnuðina og versla slaufuna í leiðinni.
Gestum stendur einnig til boða að skoða Chromo Sapiens sem er listasýning eftir Hrafnhildi Arnardóttur.
Sjá nánari upplýsingar hér í Facebookviðburði.
Hlökkum til að sjá ykkur!
Bleikar kveðjur
Lovísa og Unnur Eir
Sérstakar þakkir fara til þeirra fyrirtækja sem koma að viðburðinum:
Höfðustöðin, Vínráð, 17 sortir, Blómahönnun, Balún, Prentsmiður, Hulan, Kólus, Dj Dóra Júlía og Rent a party.